Hafeigoc yeac nunumu
Yegecgareng yearu. Dawidngo yegec yofi heiec.
41
Ngic mong ye ngicngac makpekpea yenenggareng ayemmeande, ye kenehagoc. Ebicnasou Kebungo ye ebicfunac mesimaa 2 onggonggema kekeha garenggeu ye bangehau sogac sogaigoc kefude. Ngabafora yeneng megecdeac ayemmeu Kebungo yeneac mariu naric mi faiude.b 3 Ye hafei ammiu femanu Kebungo meserima hafeia meickema monggoc mengereeude.4 Neng yoac yofi deai, “O Kebu, ni gearu kopocsic meficgeai. Ge imocac neac ubaga manganeu mengerenuna.” 5 Ngabafocna yeneng neac yoac mangana dema yofi deandae, “Ye homeu kpara kpac ambeso.”
6 Ngic mongngo yugucnubeso hama ni tobannuudeac negen negeng ubahereau arenggeude. Ye yoac fora mong mi dema monggoc mama kemma imoc deyadiude. 7 Ngic neac modzongina tiande, yeni sasawango neac yoac sangic sangic denengeng amma wiac mangana yombong fingecnenudeac negemma 8 yofi deandae, “Ye hafei mangana yombong ammiu fefeunac monggoc naric mi yarude.”
9 cNga tosona nigoc wegenac kecande, ye negenserima kefai. Ye warac yaka nigoc nekefec nga yeng ifingoc gofoc gofohango tifacnuudeac hania miarec.
10 O Kebu, ge ubaga sifu neac manganeu miacnuna ngereema namma turunga merengyemmebade.
11 Ngabafocna yeni firang amma mi memanugec, imocac yofi negenduae, ge neac negenna ngereede. 12 Ni dindingac kecma kopocsic mong mi meficgeaiac geng nanggenuma geac hoannu fainuna ni imohai nasosoc kecbade.
13 dKebu Isracelac Anutu, ye nasoya nasoya kenehema keneengkecbesonga. Imoc fora nga fora yombong.