Kebu ye gombunga
Dawidngo womong desi desinasoac mitiyegec yofi heiec.
30
Kebu ge keme kemeaunac tainuna ereduaac afegubade.
Geng ngabafocna kpae heiyemmena yeneng neac amma ubangerec mi meficgebisia.
2 O Kebu,
Anutuna,
ni gearu memeficac kiacma numuba geng mengerenunec.a
3 O Kebu,
ge homecamaunac menunec.
Nga tennu keme kemeac arennu tacbareng geng menuma kekecna homecfu kemegecde,
yeneac arennunac mesinunec.b
4 O,
Kebuac ngicngac kpetiac,
ngeni ye dengerema yegec heibisia.
Ngeni yeac kpara kpetiac heiwayong memibisia.c
5 Ye ngabaya naso wegenanec mekefude nga fakaya gombunga imoc kekecninau sasawa fekefudengoc.
Ge tofocnac kiacnade nga asoac sogac sogai meficgenade.d
6 Ni naric kecma wiac monggac mi obohoai,
imohai yofi deai,
“Ni seria nanduaeac wiac mongngo nuu goroc goroc naric mi ambade.”e
7 Nga ge kicga nearu sufuna ine kengecngo memanuec.
O Kebu,
gennoc faka gombunga anemma tatacnau fainuna tiki seria isoc seria yombong nanai.
8 O Kebu,
ni kpacguma kpesi kpesi amba negennennadeac yofi numugenai,
9 “Kebu,
ni homema homecamau kemebadeu imocngo wiac mong naric mi gembac.
Bangecac sendungngo ge naric mi dengereguude nga ge yoac modac modac Kebu,
imoc naric mi dekperagiude.
10 O Kebu,
geng negennemma ubamangang anenna,
o Kebu,
ge meficnuna.”