Kebu, ge mengerenuna
Yegecgareng yearu. Gitakurere nga noc kpema sheminic uba modacma heibesonga. Dawidngo mitiyegec yofi heiec.
6
a Kebu ge ngaba amma ngabasiricfu yoac mi anenna amma herega buu numeme mi anenna. 2 O Kebu, ni kucna kpac anu homebeso anduae nga kengec amma dzononna fededeac neac ubaga manganeu sebina mengerena.b 3 cO Kebu, ni ongana kengectoa meficgema ebirima kecdeac ubaebicna bic meickenadeac tomai kecduae.4 O Kebu, ge dzigene hama kekecna ebicfunac mesina. Ge yoac dedzege amma imoc modackecnecac ebicfunac mesinuna. 5 Homecfu kemegec, yeni ge mi negensigugecde nga mong ye homecamau kemema fede, yeng ge naric mi dengereguude.d
6 Ni asoringa anengkefu kucna kpac ande. Ni tofocnacsoc kiacba kickumana dokutoa isoc mama heifefena heiude. Amma ni homac kiacba kickumanango fefena meu boroc boroc yombong angande. 7 Ni ubahodunnagoc kecduaeac kiacba kicna ngopic kpede nga kiacba ngabafocna sasawa yeneng ebic meficgenenggec kicna kuha kpac ande.e
8 fKebungo kedzac kpema neac kiac ubamangang bic negendacac manganameme ngic ngeni sasawango wanuma meickegec. 9 Ni ubamangang amma Kebu dekpesi ammiba imoc bic negendac. Kebu ye nunumuna negenu ngereede. 10 Ngabafocna yeni gameyunudaru homac yombong kengecyunuu fakanginaac amma gameyunuu wanuma bic yombong woragecde.