Mitiyegec 3

Ngicngacfora garengyunuude

Dawidngo medaha Awsalomac kicfunac worama yegec yofi heiec.^a

O Kebu,

ngic ngabafocna yeni homac yombong nga ngic homacngo yacma nubeso andae.

2 Ngic homac yeneng neac yofi deandae,

“Anutungo ye ebicfunac naric mi mesiude.”

Selac

3 O Kebu,

gennoc oronnuma kasona annec.

Geng kuc nga kibikpergiagoc ambadeac anengkecma orucna memiacma meserinukecnec.^b

4 Ni kebuaru seria kiacba yeng kpetiac tikiyau tacma yoacna turunga merennenude.

Selac^c

5 Kebungo nanggenuude,

imocac ni mafema monggoc yacbade.

6 Ngic teng taoseng nga noc yeneng habuya habuya kpedzucnema noboc nobocnac hama nubeso oronnugec ni yeneac mi kengecnuude.^d

7 O Kebu,

ge hama ebicfunac mesinuna.

Anutuna,

ge ngabafocna ngebacngina kpedzamema manganameme enacngina kpemoronggena mabeso.^e

8 Kebu ye ebic mesi mesi mingina.

Kebu,

ge ngicngacfocga kenecnununa.

Selac^f