Yacakow ye Bet El bangecfu kenec
35
aAnu Anutungo Yacakow yofi dema edeec,
“Ge Bet El emma imohai tacyac anna.
Amma dacga Esawac kengecguu worana Anutungo fingecgenec yeac arata mong imohai mebesena.”
2 bIfi deu Yacakowngo arengfora nga ngicngacfora yegoc kecgec sasawa yeni yofi dema edeyunuec,
“Ngeni bangec monnunac nemuongafocngina botucnginaunac meicyunudacma ubaongangina hafoangoc kpedzucnedacma wambangina dzuac dzuara heigec kemedacbeso.
3 cKemedaru nenang ama yomoc wama Bet El ennide.
Ni warac ebic witiau kecbare negennemma sinnu nigoc kecma onggonnuec Anutu imocnoc yeac arata mong imohai mebade.”
4 dIfi edeyunuu yeni bangec monnunac nemuonga mekecgec nga kedzacac ringngina imoc momoc Yacakow midacgec.
Midacgec ye Sehem taong wegenahau terebint ic mong nanec imocac haniau tonggoec.
5 eIfi amma yacma kenggec.
Anu taongtoa tegia tegia tackenec imoc yeneac mingina sasawa yeni Anutuac kengectoango mewakeyunuu mongngo mong Yacakowac medacfora mong mi kisangyunugec.
6 gAnu Yacakow nga ngicngacfora yegoc kecgec yeni Kenacan bangecfu Ludzif amau kensikegec.
7 iYe bicngoc daraac kengec kpeu worama kemmanu Anutungo imohai yeac kicfu fingectegerecac ihai arata mong mema kpara El Bet Elh kparec.
Debora homeu tonggogec
8 kAnu enac tofoc tofohongaha mong kpara Debora yeng Riweka fingeru yeac nenggac ammima henggareng ammikefec.
Anu yenigoc kecmangoc naso imohai homeu Bet El ama bageau sarucic haniau tonggogecac bangec imocac kpara Allon Bahutj kpacgec.
Yacakow ye kpara Isracel
9 lAnu Yacakow ye Paddan Aram bangecfunac dzigenema kefec.
Kefu Anutungo monggoc fingecmima keneheec.
10 mKenehema yofi dema edeec,
“Ge kpacga Yacakow,
yaguc ine Yacakow monggoc mi degecde Isracel kpacgugecde.”
Ifi dema kpara Isracel kparec.
11 nAnu Anutungo yofi dema edeec,
“Ni Anutu Kuctoa mingina.
Ge fingecsahe amma seregurutoa ambesena.
Nga gearunac ngicngacareng mong fingecma ngicngacareng habuya habuya fingeckenggecde.
Amma gearunac ngictau fingecbesandae.
12 Anu Awraham nga Itsak bangec yemerai imoc ge nga esamedacfocga yeni momoc yemmebesandua.”
13 Anu Anutungo Yacakowgoc yoac denegeng anec wisickeu yacma enec.
14 oEnu Yacakow ye Anutungo yoac edeec imohai kpete dema hoc mong miacma gununggeu nanu sesedoku witiau kpakema kerecdoku nadzicmiec.
15 pAnu Anutungo yegoc yoac denegeng anec bangec imocac kpara Bet El kparec.
Benyamin fingerec
16 Anu yeni Bet El wama kengkecma Efrata amau mi kensikemagecngoc Rahel ye medac meudeac gadze herea yombong kiec.
17 Kiu medac meudeac ebiriu gadzememeyango yofi dema edeec,
“Ge medacngoc menadeac kengec mi guu.”
18 Ifi deu medac mema homebeso amma asuya kpac ambeso ammanu kpara Ben Oniq kparec nga mamango ine kpara mong Benyaminr kparec.
19 Anu Rahel ye homeec.
Homeu Efrata sinnu tonggogec.
Efrataac kpara mong imoc Bet Lehem
20 tonggoma Yacakow ye kicsereyau hoc mong miacma gununggeu nanec.
Hoc imocngo Rahelac kicserea nanecngoc nande.
21 Anu Isracel ye sing monggoc torokpema kengkecma Migdal Ederacs edibigeng kemma kporucamaya kpedziec.
22 tAmma ye amabangec imohai tacyac amma kecmanu Recuwen ye mamaac wanacenema Bilhaaru kemma yegoc feoc.
Feec Isracelngo siduc imoc negenec.
Yacakow medacfora yeneac kpacareng
Anu Yacakow ye medacfora 12ngoc kecgec.
23 uLeaarunac medacfora yofiguc Recuwen ye Yacakowac waracmedac amma Simecon,
Lewi,
Yehuda nga Issashar amma Dzewulun.
24 vNga Rahel ye medachora Yosef nga Benyamin.
25 wNga Bilha,
Rahelac wanacngacac medachora Dan nga Naftali.
26 xNga Dzilepa,
Leaac wanacngac yeac medachora ine Gad nga Aser.
Yacakow ye Paddan Aram bangecfu kecmanu medacfora imoc yeni fingecgec.
Itsak homeec