ᐁᐅᒄ ᐅᔫ ᐲᑕᕐ ᑳ ᒪᓯᓇᐦᐊᐦᒃ, ᐯᔭᒄ ᐊᓂᔫ ᒌᓴᔅ ᐅᒋᔅᒋᓄᐦᐊᒧᐙᑲᓐᐦ ᑳ ᓃᔓᔖᐳᔨᒡ᙮ ᐊᓂᔫᐦ ᐅᒫᒨᐊᔨᒥᐦᐋᐤᐦ ᐊᓂᑌ ᐃᑌᐦᒉ ᐁᐃᔖ ᑳ ᐃᔑᓂᐦᑳᑌᒡ ᐊᔅᒌᔫ ᑳ ᐃᐦᑖᔨᒡ ᒌ ᒪᓯᓇᐦᐊᒧᐌᐤ᙮ ᐁᐅᒄ ᐅᒌ ᑳ ᑖᐺᐦᑕᐦᒀᐤ ᒌ ᓇᓀᐦᑳᒋᐦᐋᑲᓅᒡ ᐊᓂᔫ ᐅᐦᒋ ᐁ ᑖᐺᔨᒫᑣᐤ ᒌᓴᔅ᙮ ᐁᐅᒄ ᒫᒃ ᐅᔫᐦ ᐲᑕᕐ ᑳ ᒪᓯᓇᐦᐊᒧᐙᑦ ᐁ ᒌᐐ ᑳᒌᒋᐦᐋᑦ᙮ ᒌ ᐐᐦᑕᒧᐌᐤ ᑖᓐ ᑳ ᐃᔑ ᐐᓯᒉᔨᐦᑕᒥᔨᒡ ᒌᓴᔅ ᐎᔭᐙᐤ ᐅᐦᒋ ᓀᔥᑦ ᒌ ᐃᑌᐤ ᒉᒌ ᒋᔅᒋᓄᐙᐸᒫᑣᐤ ᑖᓐ ᑳ ᐃᔑ ᔔᒋᐦᑌᐦᐁᔨᒡ ᒌᓴᔅ ᓀᔥᑦ ᑖᓐ ᑳ ᐃᔑ ᑖᐺᔨᒫᔨᒡ ᒋᔐᒪᓂᑑ᙮ ᒌ ᐃᑌᐤ ᑲᔦ, ᐊᓂᔫ ᒋᔐᒪᓂᑑᐦ ᐁ ᒌ ᐎᔮᐱᒥᑯᔨᒡ ᒉᒌ ᐅᑏᓃᒥᑐᑖᑯᔨᒡ ᑲᔦ ᒫᒃ ᐊᓂᔫ ᒌᓴᔅ ᐁ ᒌ ᐐᓯᒉᔨᐦᑕᒥᔨᒡ ᓀᔥᑦ ᐁ ᒌ ᓂᐱᔨᒡ ᐎᔭᐙᐤ ᐅᐦᒋ, ᐁᑯᓐ ᒋᐹ ᐃᔑ ᐱᒫᑎᓯᔫᒡ ᑖᓐ ᐁ ᐃᔑ ᓂᑐᐌᔨᒥᑯᑣᐤ ᒋᔐᒪᓂᑑ ᒉᒌ ᐃᔑ ᐱᒫᑎᓰᑣᐤ᙮