ᐆ ᓈᐯᐤ ᕙᐃᓕᒪᓐ ᑳ ᐃᔑᓂᐦᑳᓱᑦ ᒌ ᓃᑲᓂᔥᑲᒻ ᐊᔨᒥᐦᐁᐅᑲᒥᑯᔫ ᐊᓂᑌ ᑯᓨᓰ ᑳ ᐃᔑᓂᐦᑳᑌᔨᒡ ᐃᐦᑖᐎᓂᔫ ᓀᔥᑦ ᑲᔦ ᒌ ᐅᐐᒉᐙᑲᓅ ᐊᓂᔫ ᑆᓪ᙮ ᒌ ᒋᒧᑕᒫᑰ ᒫᒃ ᔔᓕᔮᔫ ᐊᓂᔫ ᐅᑖᐸᒋᐦᐋᑲᓐ, ᐅᓀᓯᒪᔅ ᑳ ᐃᔑᓂᐦᑳᓱᔨᒡ ᓀᔥᑦ ᒌ ᐅᔑᒧᔫ ᐊᓂᑌ ᐃᔑ ᕎᒥᐦᒡ᙮ ᒣᒀᒡ ᒫᒃ ᐊᓂᑌ ᑳ ᐃᐦᑖᑦ ᒌ ᓇᒋᐦᐁᐤ ᐊᓂᔫ ᑆᓪ, ᐁᑯᑦ ᑲᔦ ᑳ ᐅᐦᒋ ᑴᔅᑳᑎᓰᑦ᙮ ᑆᓪ ᒫᒃ ᒌ ᒌᐌᑎᔕᐦᐌᐤ ᐊᓂᔫ ᐅᓀᓯᒪᔅ ᐊᓂᑌ ᕙᐃᓕᒪᓐ ᐁ ᐃᐦᑖᔨᒡ ᐁ ᒌ ᒪᓯᓇᐦᐊᒧᐙᑦ ᕙᐃᓕᒪᓐ᙮ ᒌ ᓂᑐᑕᒧᐌᐤ ᕙᐃᓕᒪᓐ ᒉᒌ ᐌᐯᔨᐦᑕᒧᐙᔨᒡ ᐊᓂᔫ ᐅᑖᐸᒋᐦᐋᑲᓂᔫ ᐅᓀᓯᒪᔅ ᓀᔥᑦ ᒧᔮᒻ ᐁ ᐐᒋᔖᓂᑦ ᒉᒌ ᐃᔑ ᑲᓄᐙᐸᒫᔨᒡ ᐊᓂᑌ ᐃᔑ ᙭ ᐁ ᐃᐦᑖᔨᒡ ᐃᔥᐱᔥ ᐐ ᐅᑖᐸᒋᐦᐋᑲᓐ ᑳ ᐅᔑᒧᔨᒡ ᒉᒌ ᐃᔑ ᑲᓄᐙᐸᒫᔨᒡ᙮