ᐁᑉᕋᐦᐊᒻ ᐎᔭ ᐁᑉᕋᐦᐊᒻ ᒌ ᐅᐦᑖᐐᑐᑖᑰ ᒎᐗ ᐄᓅ᙮ ᐁᐅᑰ ᓈᐯᐤ ᓈᔅᒡ ᑖᐺ ᒌ ᑖᐺᐅᒉᔨᒣᐤ ᒋᔐᒪᓂᑑ, ᒌ ᐙᐸᐦᑏᐌᐤ ᑖᓐ ᐁ ᐃᑌᔨᐦᑖᑯᓯᑦ ᐊᐌᓐ ᐁ ᑯᐃᔅᑯᑖᑎᓰᑦ᙮ ᒌ ᐃᑎᑰ ᒋᔐᒪᓂᑑ ᒉᒌ ᒪᒋᔥᑐᐌᐦᐊᒫᑯᑦ ᐅᑯᓴ ᐊᐃᓴᒃ, ᒬᐦᒡ ᒫᒃ ᑳᐐ ᓂᐸᐦᐋᑦ ᐁᑉᕋᐦᐊᒻ ᐅᑯᓴ ᒌ ᐅᐦᒋ ᐙᐸᒣᐤ ᐊᐌᓰᓴ ᑳ ᐅᑌᔅᑲᓂᓯᔨᒡ᙮ ᐁᐅᒄ ᒫᒃ ᐅᔫ ᑳ ᒪᒋᔥᑐᐌᐦᐊᒫᑦ᙮ ᐆ ᒫᒃ ᑳ ᐃᔅᐸᔨᐦᒡ ᐊᓂᑕ ᐊᓐ ᒣᒀᒡ, ᒋ ᐙᐸᐦᑌᓈᓅ ᐊᓂᑕ ᒌᓴᔅ ᑖᓐ ᒉ ᐃᐦᑑᑕᒫᑕᐦᒄ ᐋᔑᑌᔮᐦᑎᑯᐦᒡ᙮

ᐁ ᑯᐃᔅᑯᑖᑎᓰᑦ ᑯᐃᔅᒄ ᐁ ᐃᐦᑎᑦ ᐊᐌᓐ, ᐁᑳ ᒪᒋᑑᑕᐦᒃ

ᐁᑳ ᓂᓯᑐᓯᑦ ᓇᒧᐃ ᒌ ᐋᐦᒋᔫ ᐊᐌᓐ ᐁᑳ ᓂᓯᑐᓯᑦ᙮ ᐅᔅᑳᑦ ᒫᒃ ᐅᑎᐦᒌ ᐁᑳ ᓂᓯᑐᓯᑦ ᓇᒧᐃ ᒌ ᐋᐦᒋᐸᔨᐦᑖᐤ᙮

ᐁᕋᓐ ᐁᐅᑯᔫ ᒧᓯᔅ ᐐᒌᓅ, ᐁᐅᑰ ᒫᐅᒡ ᓃᔥᑕᒻ ᑳ ᒋᔐᐊᔨᒥᐦᐁᐅᒋᒫᐅᑦ ᐊᓂᑌ ᐃᔅᕋᐁᓪ᙮

ᐃᓚᐃᒐ ᒌ ᐅᒋᔅᒋᐌᐦᐄᒉᓲ ᐌᔅᑲᒡ ᐊᓂᑌ ᒣᒀᒡ ᐁᐃᐦᐋᑉ ᐁ ᒌ ᒋᔐᐅᒋᒫᐎᔨᒡ᙮

ᐄᓅ ᐅᑯᓯᓴ ᐁᐅᑯᔫ ᐁ ᐃᔑᓂᐦᑳᓱᑦ ᑲᔦ ᒌᓴᔅ᙮ ᐊᓂᑌ ᐌᔅᑲᒡ ᑌᔅᑕᒥᓐᑦ ᑖᓂᔭᓪ ᒌ ᒦᑰ ᒋᔐᒪᓂᑑ ᐙᐸᐦᑏᐌᐎᓂᔫ᙮ ᒌ ᑎᐹᒋᒨ ᑖᓂᔭᓪ ᑖᓐ ᑳ ᐃᔑ ᐙᐸᐦᑏᑯᑦ ᒋᔐᒪᓂᑑ, ᒌ ᐃᑗᐤ ᐁ ᒌ ᐙᐸᒫᑦ ᐄᓅ ᐅᑯᓯᓴ ᐁ ᐯᒋ ᐋᓯᔨᒡ ᑲᔅᑲᐗᓂᔥᑯᐦᒡ ᑭᐦᒋᑮᔑᑯᐦᒡ ᐅᐦᒋ᙮ ᐁᐅᑯᔫ ᑳᒋᒉ ᒥᓯᐌ ᒉ ᐃᔑ ᐊᔮᔨᒡ ᐅᒋᒫᐎᓂᔫ ᑳᒋᒉ ᓀᔥᑕ ᑳᒋᒉ᙮ ᒌᓴᔅ ᒫᒃ ᒌ ᐃᓯᓂᐦᑳᑎᓲ ᐄᓅ ᐅᑯᓯᓴ, ᐁ ᐃᑗᑦ ᐎᔭ ᙭ ᐁ ᐃᑕᐱᑦ, ᐎᔭ ᒋᔐᒪᓂᑑ ᐁ ᒌ ᐯᒋ ᐃᑎᔕᐦᐆᑯᑦ ᒥᓯᐌ ᐊᐌᓐ ᒉ ᐅᒋᔐᐅᒋᒫᒥᑦ ᑳᒋᒉ᙮

ᐐᓱᐌᐎᓐ ᐊᓂᐦᐄᐦ ᐃᑕᓱᐌᐎᓐᐦ ᒋᔐᒪᓂᑑ ᑳ ᒥᔭᐌᑦ᙮ ᐁᑯᑦ ᐁ ᐊᓯᒡ ᐃᐦᑕᑯᐦᒀᐤ ᒥᑖᐦᑐ ᑲᒉᔅᑴᐎᓐᐦ᙮

ᐅᐱᒫᒋᐦᐄᐌᐤ ᒌᓴᔅ ᐁᐅᒄ ᐅᐱᒫᒋᐦᐄᐌᐤ᙮ ᐎᔭ ᑌᑲᔅ ᒌ ᐸᒋᔥᑎᓇᒻ ᐅᐱᒫᑎᓰᐎᓐ ᐋᔑᑌᔮᐦᑎᑯᒡ ᒉ ᒌ ᐅᐦᒋ ᐊᔮᑦ ᐊᐌᓐ ᑳᒋᒉ ᐱᒫᑎᓰᐎᓂᔫ ᐅᑎᓈᑌ ᒉ ᒌ ᐅᐱᒫᒋᐦᐄᐌᒥᑦ᙮

ᐅᒋᔅᒋᐌᐦᐄᒉᓲ ᐁᐅᑰ ᐊᐌᓐ ᒌ ᐋᔔ ᐐᐦᑕᒧᐌᐤ ᐄᓅᐦ ᑖᓐ ᑳ ᐃᔑ ᐊᔨᒥᐦᐄᑯᑦ ᒋᔐᒪᓂᑑ ᒉ ᒌᔑ ᐐᐦᑕᐦᒃ᙮ ᒋᔐᒪᓂᑑ ᐊᔨᒥᔅᑕᒧᐌᐤ ᐆ ᓈᐯᐤ᙮

ᐅᒋᔅᒋᓄᐦᐊᒧᐙᑲᓐ ᒋᔅᒋᓄᐦᐊᒧᐙᑲᓅ ᐆ ᐊᐌᓐ ᑲᔦ ᒫᒃ ᒋᔅᒋᓄᐙᐸᒣᐤ ᐊᓂᔫ ᐊᐌᔫ ᑳ ᒋᔅᑯᑕᒫᑯᑦ ᑖᓐ ᐁ ᐃᔑ ᐱᒫᑎᓯᔨᒡ

ᐅᒦᒦᐤ ᑳ ᐊᐱᔒᔑᑦ ᑳ ᐙᐱᔑᑦ ᐱᔦᔒᔥ

ᐊᐸᔅᑕᓪ ᐯᔭᒄ ᐊᓐᒌ ᓃᔓᔖᑉ ᒌᓴᓴ ᑳ ᐎᔮᐸᒥᑯᑣᐤ

ᐊᔅᐯᔨᒧᐎᓐ ᒉᔅᑎᓈᑌᔨᐦᑕᒧᐎᓐ ᑖᐺ ᒉ ᐃᔑᐸᔨᐦᑖᑦ ᒉᒀᔫ ᒋᔐᒪᓂᑑ᙮

ᐊᔨᒥᐦᐁᐅᒋᒫᐤ ᐁᐅᑰ ᓈᐯᐤ ᐊᓂᑌ ᒎᐗ ᒋᔐᐊᔨᒥᐦᐁᐅᑲᒥᑯᐦᒡ ᐎᔭ ᒌ ᓃᑳᓂᐸᔨᐦᑖᐤ ᐁ ᐊᔨᒥᐦᐋᓄᔨᒡ ᑲᔦ ᐎᔭ ᒌ ᒪᒋᔥᑌᐌᐦᐊᒫᐤ ᒋᔐᒪᓂᑑ ᐃᔑ ᐁ ᐃᐦᑖᔨᒡ᙮

ᐊᔨᒥᐦᐁᐦᑳᓲ ᐁᐅᑯᔫ ᐁ ᐃᑖᑲᓅᑦ ᐊᐌᓐ ᐁᑳ ᒋᐦᒋᐌ ᓅᔔᔥᑯᐙᑦ ᒋᔐᒪᓂᑑ, ᐊᔮᐦᒡ ᒥᒄ ᑳ ᐃᐦᑎᑦ᙮

ᐙᐸᐦᑏᐌᐎᓐ ᐁ ᐙᐸᐦᑏᑯᑦ ᐊᐌᓐ ᒋᔐᒪᓂᑑ ᒉᒀᔫ, ᒥᑐᓐ ᐅᔅᒌᓯᑯᐦᒡ ᐁ ᐙᐸᐦᑕᐦᒃ᙮

ᐙᑕᒀᐱᔅᑲᐦᐄᑲᓄᔨᒡ ᓇᒧᐃ ᐊᔅᒌᐦᒡ ᐅᐦᒋ ᒋᔅᑲᐦᐁᐅᒡ ᒎᐗ ᐄᓅᒡ ᐊᐌᔫ ᐁ ᒌ ᐴᓂᐱᒫᑎᓯᔨᒡ᙮ ᒌ ᐙᑕᒀᐱᔅᑲᐦᐄᑲᓅ ᐊᓂᑌ ᐁ ᐊᓯᓂᔫᐦᒡ ᐁᑯᑌ ᐊᓂᑌ ᑳᒌ ᒋᔅᑲᐦᐋᑲᓅᑦ ᐊᐌᓐ᙮

ᐗᓂᔥᑳᓈᑳᓅᑦ ᑳᐤ ᐁ ᐱᒫᑎᓰᑦ ᐊᐌᓐ ᔖᔥ ᒫᒃ ᐁ ᒌ ᓂᐱᑦ᙮

ᐯᓐᑏᒀᔅᑦ ᐃᔅᑯᑕᒃ ᓂᔮᐃᓄᒥᑕᓅ ᒌᔑᑳᐤ ᒣᔮᐅᐸᔨᓂᒡ ᐊᓂᑕ ᒥᔮᔅᑳᒉᐎᓐ ᒧᑯᓭᐅᒌᔑᑳᐤ ᑳ ᐃᔑᓂᐦᑳᑌᔨᒡ ᐁᒄ ᒦᓐ ᑳ ᐃᐦᑕᑯᓂᔨᒡ ᐁ ᐃᐦᑎᑣᐤ ᐁᓯᑯᒻ ᐱᐳᓐᐦ ᒎᐗ ᐄᓅᒡ᙮ ᐁᐅᑯᔫ ᐯᓐᑏᒀᔅᑦ ᑳ ᐃᔑᓂᐦᑳᑕᐦᒀᐤ᙮ ᐁᐅᑰ ᐁ ᒌᔑᑳᒡ ᐁ ᒋᔅᒋᓰᑐᑖᑲᓅᐦᒡ ᑖᓐ ᑳ ᐃᔅᐸᔨᑣᐤ ᒋᔅᒋᓄᐦᐊᒧᐙᑲᓂᒡ ᐃᔅᑯᑕᒃ ᐸᔦᐦᒋ ᐊᐦᒑᐦᒀ ᑳ ᐲᐦᒋᔥᑳᑯᑣᐤ ᒣᒀᒡ ᒉᕉᓴᓚᒥᐦᒡ ᑳ ᐃᐦᑖᑣᐤ᙮

ᐯᓪᓴᐳᓪ ᒪᒋ ᐊᐦᒑᐦᑯᒡ ᐅᒋᒫᒧᐙᐤ, ᓭᐃᑕᓐ ᐃᔑᓂᐦᑳᑖᑲᓅ ᑲᔦ᙮ ᐁᐅᑰ ᔮᐸᒡ ᒪᒋᒪᓂᑑ ᑳ ᐃᔑᓂᐦᑳᑖᑲᓅᑦ᙮

ᐱᓯᒀᑎᓰᐎᓐ ᐁ ᐐᐦᐯᒫᑦ ᐊᐌᓐ ᐊᐌᔫ ᐁᑳ ᐅᐐᒋᒫᑲᓂᑦ᙮

ᐸᒀᑎᔅᑲᒥᑳᐦᒡ ᓇᒧᐃ ᒦᐦᒀᒡ ᓂᐦᑖᐅᒋᓐ ᒉᒀᓐ ᐸᒀᑎᔅᑲᒥᑳᐦᒡ ᐌᓵ ᐁᑳ ᒦᐦᒀᒡ ᒋᒨᐦᒡ ᐊᓂᑌ᙮

ᐸᒋᔥᑎᓂᒉᐅᓈᐱᔅᒄ ᐊᓯᓃᐦᒡ ᒫᒃ ᐱᔻᐱᔅᑯᐦᒡ ᒫᒃ ᓯᔅᒎᐦᒡ ᒫᒃ ᒥᔅᑎᑯᐦᒡ ᒌ ᐅᐦᒋ ᐅᔑᐦᑖᑲᓅ ᐆ ᒉᒀᓐ ᐊᓂᑕ ᒉ ᒪᒋᔥᑐᐌᐦᐊᒫᓅᐦᒡ ᒋᔐᒪᓂᑑ ᐃᔑ ᐁ ᐃᐦᑖᑦ, ᐊᐌᓰᓴᒡ ᒌ ᓂᐸᐦᐋᑲᓄᔨᒡ ᐁᒄ ᑳᒌ ᐃᔅᒀᔂᑲᓅᑣᐤ, ᑯᑕᒃ ᑲᔦ ᒉᒀᔫ ᒌ ᒪᒋᔅᑐᐌᐦᐊᒫᓅᐦ ᒋᔐᒪᓂᑑ ᐁ ᒥᔮᑲᓅᑦ᙮

ᐸᔦᐦᒋᓰᑦ ᐁᐅᑰ ᐁ ᐃᑖᑲᓅᑦ ᐊᐌᓐ ᐁ ᒌ ᐸᐦᑳᓇᐦᐄᑯᑦ ᒋᔐᒪᓂᑑ ᒉ ᒌ ᐊᑐᔅᑯᐙᑦ᙮ ᐁᑯᓐ ᐁ ᐃᑖᑲᓅᑦ ᑲᔦ ᐊᐌᓐ ᐁ ᐸᔦᐦᑲᓂᔨᒡ ᐅᐱᒫᑎᓰᐎᓐ, ᑯᐃᔅᒄ ᐁ ᐃᔑ ᐱᒫᑎᓰᑦ ᑖᓐ ᐁ ᐃᔑ ᓂᑕᐌᔨᒥᑯᑦ ᒋᔐᒪᓂᑑ᙮

ᐹᔥᑖᒫᑦ ᐹᓯᒡ ᐁ ᐃᔑ ᒫᔦᔨᒫᑦ ᐊᐌᓐ ᒋᔐᒪᓂᑑ

ᑎᐯᔨᐦᒋᒉᐎᓐ ᐁ ᐊᔮᑦ ᐊᐌᓐ ᐅᒋᒫᐎᓂᔫ ᐎᔭ ᒉᒌ ᐐᔓᐌᑦ᙮

ᑎᐦᑎᐱᑖᐹᓈᔅᒄ ᓃᔓᒨᐦ ᑳ ᑎᐦᑎᐸᔨᐦᒀᐤ ᑎᐦᑎᐱᑖᐹᓈᔅᑯᐦᒡ, ᑳᐸᓚᑲᔅᑴᐤ ᐅᑖᐹᑕᒻ ᐅᔫ᙮

ᑴᔅᑳᑎᓯᔫ ᐁ ᓇᑲᑕᐦᒃ ᐊᐌᓐ ᐅᒪᒋᐦᑣᐎᓐ, ᐁ ᒥᐦᒌᐌᓯᑦ ᑖᓐ ᑳ ᐃᔑ ᐯᒋ ᒪᒋᑑᑕᐦᒃ ᐁᒄ ᒫᒃ ᐁ ᐴᓃᑦ ᐊᓂᔫ ᑖᓐ ᑳᒌ ᐃᐦᑎᑦ ᐁ ᒋᔅᒉᔨᐦᑕᐦᒃ ᐁᑳ ᒥᔻᔑᔨᒡ᙮

ᑳᐐᐦᒋᒫᔅᑌᒀᐤᐦ ᐊᓂᐦᐄᐦ ᒉᒀᓐ ᑳ ᒥᔫᒫᑯᓯᒀᐤᐦ ᐁ ᐃᔅᒀᓯᑲᓅᐦᒀᐤᐦ

ᑳ ᑳᓱᑌᐙᔅᑯᐦᒀᐤ ᐸᒋᔅᑲᐦᐅᐌᐤ ᐅᔫᐦ ᒪᔅᑯᔔᐦ ᐁᐅᒄ ᐌᐦᒋ ᐄᓈᓅᐦᒡ ᐁ ᑳᓱᑌᐙᒀᐤ

ᑳ ᒋᔅᑯᑕᒫᒉᑣᐤ ᐐᔓᐌᐎᓂᔫ ᒧᓯᔅ ᐅᐐᔓᐌᐎᓂᔫ ᑳ ᒦᑯᔨᒡ ᒋᔐᒪᓂᑑ ᒌ ᒋᔅᑯᑕᒫᒉᐅᒡ ᐅᒌ ᓈᐯᐅᒡ᙮ ᐎᔮᔅᑯᓂᒉᓲᒡ ᑲᔦ ᒌ ᐃᑕᐴᒡ ᐅᔫ ᐐᔓᐌᐎᓂᔫ ᐁ ᓇᓈᑲᒋᐦᑖᑣᐤ᙮

ᒋᔅᑌᔨᐦᑖᑯᓱᐎᓐ 1. ᐁ ᒥᔥᑕ ᐙᔥᑌᒡ ᑖᓂᑕ ᐊᓂᑕ ᐁ ᐃᐦᑖᑦ ᒋᔐᒪᓂᑑ᙮ 2. ᐁ ᒋᔅᑌᔨᒫᑲᓅᑦ ᐊᐌᓐ

ᒋᔅᑯᑕᒫᒉᐤ ᑎᐹᒋᒧᐎᓐ ᑎᐹᒋᒧᐎᓐᐦ ᒌᓴᔅ ᑳᐐᐦᑕᐦᒃ ᐁ ᒋᔅᑯᑕᒫᒉᑦ

ᒋᔅᒉᔨᐦᑖᑯᐦᑖᒉᐎᓐ ᐁ ᒋᔅᒉᔨᐦᑕᒥᐦᐋᑲᓅᑦ ᐊᐌᓐ ᒉᒀᔫ᙮ ᐁᐅᑰ ᐁ ᐃᔑᓂᐦᑳᑌᒡ ᐊᓐ ᒫᐦᒋᔥᑕᐃ ᒪᓯᓇᐦᐄᑲᓐ ᐊᓂᑌ ᐅᔅᒋ ᑌᔅᑕᒥᓐᑦ᙮

ᒋᔅᒋᓄᐙᒋᔓᐌᐅᒡ ᒌ ᒪᓂᔑᑲᓅᔫ ᐅᔕᑲᐃ ᐊᓂᑌ ᐁ ᓈᐯᓯᔫᑦ ᐊᐙᔥ᙮ ᐁᐅᒄ ᐅᔫ ᑳ ᐃᑕᔓᒥᑯᑣᐤ ᒎᐗ ᐄᓅᒡ ᒋᔐᒪᓂᑑ ᒉ ᒌ ᐃᐦᑎᑣᐤ ᐁ ᓅᑯᐦᑖᑣᐤ ᐁ ᐃᐦᑕᑯᓂᔨᒡ ᑖᓐ ᑳ ᐃᔑ ᓇᔅᑯᒫᑣᐤ ᒋᔐᒪᓂᑑ᙮

ᒋᔐᐅᒋᒫᐤ ᑌᐦᑕᐳᐎᓐ ᐊᓂᑕ ᐁ ᐊᐱᑦ ᐊᐌᓐ ᐁ ᒥᔅᑕ ᐅᒋᒫᐅᑦ ᐁ ᓅᑯᓂᔨᒡ ᐎᔭ ᒥᓯᐌ ᒉᒀᔫ ᐁ ᐅᒋᒫᐅᑐᑕᐦᒃ᙮

ᒋᔐᐊᔨᒥᐦᐁᐅᑲᒥᒄ ᐁᐅᑰ ᒫᐅᒡ ᑳ ᒋᔅᑌᔨᐦᑖᑯᐦᒡ ᐊᔨᒥᐦᐁᐅᑲᒥᒄ᙮ ᒥᒄ ᒌ ᐯᔭᑯᔔ ᐆ ᐊᓂᑌ ᒉᕉᓴᓚᒥᐦᒡ ᒌ ᐃᐦᑕᑯᓐ᙮ ᒋᔐᒪᓂᑑ ᐅᐙᔅᑳᐦᐄᑲᓂᒻ ᒌ ᐃᔑᓂᐦᑳᑕᒻ ᒌᓴᔅ ᐅᔫ ᒋᔐᐊᔨᒥᐦᐁᐅᑲᒥᑯᔫ᙮

ᒋᔐᐊᔨᒥᐦᐁᐅᒋᒫᐤ ᐁᐅᑰ ᑳ ᐎᔮᐸᒫᑲᓅᑦ ᒫᐅᒡ ᒉ ᒋᔅᑌᔨᐦᑖᑯᓯᑦ ᐁ ᑕᓯᔨᑣᐤ ᒋᔐᐊᔨᒥᐦᐁᐅᒋᒫᐤᐦ᙮ ᒥᒄ ᐐ ᒌ ᐃᔑᓈᑯᓂᔫ ᒉᒌ ᐲᐦᒉᑦ ᐊᓂᑌ ᒫᐅᒡ ᐯᔦᐦᑲᓂᔨᒡ ᒋᔐ ᐊᔨᒥᐦᐁᐅᑲᒥᑯᐦᒡ᙮ ᐎᔭ ᑲᔦ ᒌ ᓃᑳᓇᐴ ᐊᓂᑌ ᐎᔮᔅᑯᓂᒉᓲ ᐁ ᒫᒨ ᐊᐲᑣᐤ, ᓵᓐᐦᐄᑦᕆᓐ ᒌ ᐃᔑᓂᐦᑳᑖᑲᓅᒡ ᐅᒌ ᐁ ᒫᒨᐱᑣᐤ᙮

ᒋᔐᐙᑎᓯᔫ ᒥᔫᑑᑕᒫᒉᐎᓐ ᐁ ᑑᑕᒧᐙᑲᓅᑦ ᐊᐌᓐ ᒉᒀᔫ ᐁᑳ ᒫᒃ ᐃᑌᔨᐦᑖᑯᓯᑦ ᒉ ᒌ ᐃᐦᑑᑕᒧᐙᑲᓅᑦ, ᒧᔮᒻ ᐁ ᐌᐯᔨᐦᑕᒧᐙᑲᓅᑦ᙮

ᒋᔐᒪᓂᑑ ᐅᒋᔐᐅᒋᒫᐎᓐ ᐁᑯᑌ ᐊᓂᑌ ᑌᑲᔅ ᑌᐯᔨᐦᒋᒉᑦ ᒋᔐᒪᓂᑑ

ᒋᔐᒪᓂᑑ ᐅᒫᓂᔥᒑᓂᔑᒻ ᒌᓴᔅ ᐅᑎᓯᓂᐦᑳᓱᐎᓐ᙮ ᐊᓂᑌ ᐌᔅᑲᒡ ᑌᔅᑕᒣᓐᑦ ᐋᔨᒨᑌᐤ ᑖᓐ ᑳᒌ ᐃᐦᑎᑣᐤ ᒫᓐᐦ ᒎᐗ ᐄᓅᒡ, ᒌ ᓂᐸᐦᐁᐅᒡ ᒫᓂᔥᒑᓂᔕ ᒉ ᒌ ᐅᐦᒋ ᐌᐯᔨᐦᑕᒧᐙᑲᓄᔨᒡ ᐊᐌᔫᐦ ᐅᒪᒋᐦᑣᐎᓂᔫᐦ᙮ ᐁᑯᓐ ᒫᒃ ᐌᐦᒋ ᐃᔑᓂᐦᑳᑖᑲᓅᑦ ᒌᓴᔅ ᒫᓂᔥᒑᓂᔥ ᐌᔥ ᑲᔦ ᐎᔭ ᒌ ᓂᐸᐦᐋᑲᓅ ᒉ ᒌ ᐅᐦᒋ ᐌᐯᔨᐦᑕᒧᐙᑲᓅᑦ ᐊᐌᓐ ᐅᒪᒋᐦᑣᐎᓐᐦ᙮

ᒋᔮᓯᐙᐦᒡ ᐎᔮᓯ ᐱᒫᑎᓰᐎᓐ

ᒍᐙ ᐊᔨᒥᐦᐁᐅᒌᔑᑳᐤ ᐁᐅᑯᔫ ᒎᐗ ᐄᓅᒡ ᐅᑕᔨᐌᐴ ᒌᔑᑳᒧᐙᐤ, ᐋᔅᑌᔦᔅᑯᐦᐄᓲᒡ ᐅᔫ ᐁ ᒌᔑᑳᔨᒡ ᐁ ᓇᓈᑲᒋᐦᑖᑣᐤ ᑖᓐ ᑳ ᐃᑎᔓᐌᔨᒡ ᒋᔐᒪᓂᑑ᙮ ᐁ ᓇᒣᔅᒌᔑᑳᔨᒡ ᐁ ᐊᑎ ᐸᐦᒋᔑᒧᔨᒡ ᐲᓯᒻ ᐁᑯᑦ ᐁ ᐴᓃᑣᐤ ᐁ ᐋᐸᑎᓯᑣᐤ ᐁᒄ ᐁ ᒫᐦᒋᔥᑕᐃᒋᔅᑳᓅᓂᔨᒡ ᐁ ᐊᑎ ᐸᐦᒋᔑᒧᔨᒡ ᐲᓯᒻ ᐁᑯᑦ ᐁ ᒋᔑᐸᔨᓂᔨᒡ ᐅᔫ ᐁ ᐃᐦᑎᑣᐤ᙮

ᒥᓯᔔᒥᓈᐦᑎᒄ ᐊᓂᑌ ᐃᔅᕋᐁᓪ ᐁᑯᑌ ᓀᐦᑖᐅᒋᑦ ᐆ ᒥᔅᑎᒄ᙮ ᐃᐦᑕᑯᓂᔫ ᒦᓂᔖ ᐁ ᐃᔑ ᓂᐦᑖᐅᒋᓂᔨᒀᐤ ᐊᓂᑕ ᐁ ᐃᐦᑖᑦ᙮

ᒥᔅᑎᑯᐗᑦ ᒌ ᐅᔖᐅᔔᓕᔮᐙᐱᔅᑰᐦᑖᑲᓅ ᐙᔅᑳ ᐆ ᒥᔅᑎᑯᐗᑦ, ᐊᓂᑌ ᒫᒃ ᐊᔨᒥᐦᐁᐤ ᒫᐦᑮᐦᒡ ᐁᑯᑌ ᒨᔥ ᑳᒌ ᐊᔥᑌᒡ᙮ ᐁᑯᑦ ᐊᓂᑕ ᑳ ᐲᐦᒋᔑᓂᑣᐤ ᐊᓂᒌ ᐊᓯᓃᒡ ᑳ ᓇᐸᑳᐱᔅᒋᓯᑣᐤ ᐊᓂᑕ ᑳ ᒪᓯᓇᐦᐊᐦᒃ ᒋᔐᒪᓂᑑ ᒥᑖᐦᑐ ᑲᒉᔅᑴᐎᓐᐦ᙮ ᐁᑯᑦ ᑲᔦ ᑳ ᑲᓇᐌᔨᒫᑲᓅᑦ ᐋᐃᐦᑯᓈᐤ ᒫᓈ ᑳ ᐃᔑᓂᐦᑳᑖᑲᓅᑦ ᓀᔥᑕ ᐁᕋᓐ ᐅᒥᔅᑎᑯᒻ ᐁᑯᑦ ᑳ ᐃᐦᑕᑯᓂᔨᒡ᙮ ᐁᑯᑌ ᐅᑌ ᐅᔫ ᒥᔅᑎᑯᐗᑎᔫ ᐁ ᐃᐦᑕᑯᓂᔨᒡ ᑳᒌ ᐲᐦᒉᑦ ᒋᔐᐊᔨᒥᐦᐁᐅᒋᒫᐤ ᐁᒄ ᑳᒌ ᐊᔨᒥᐦᐄᑯᑦ ᒋᔐᒪᓂᑑ᙮

ᒥᔅᑕ ᒪᓂᒎᔥ ᓈᔥᒡ ᐋᐦᒀᑌᔨᐦᑖᑯᓲ ᐆ ᐊᐌᓰᔥ ᒬᐦᒡ ᒥᔅᑕ ᑳᔅᑲᑖᑖᒄ ᐃᔑᓈᑯᓲ; ᒪᒋᒪᓂᑑ ᐆ ᑳ ᐋᔨᒨᒫᑲᓅᑦ ᐊᓂᑌ ᒋᔅᒉᔨᐦᑖᑯᐦᑖᒉᐎᓐ᙮

ᒥᔅᑳᔅᒋᑲᓈᐱᔅᒄ ᐱᔻᐱᔅᒄ ᒫᒃ ᐁ ᓲᐦᒉᑲᐦᒡ ᐲᓵᑲᓐ ᐅᐦᒋ ᐅᔑᐦᑖᑲᓅ ᒥᔅᑳᔅᒋᑲᓈᐱᔅᒄ᙮ ᐁᐅᑯᔫ ᐺᔅᒋᔥᑲᐦᒃ ᔑᒫᑲᓂᔥ ᐃᔅᑯᑕᒃ ᒉ ᓂᑑ ᓂᑐᐸᔨᑦ᙮

ᒥᔫ ᐃᐦᑑᑖᑖᒄ ᒋᑲ ᒥᔫᑑᑕᒫᑯᐙᐤ ᒋᔐᒪᓂᑑ, ᐁᐅᒄ ᐁ ᐃᓈᓅᐦᒡ ᑲᔦ ᐁ ᐙᒋᔦᒫᑲᓅᑦ ᐊᐌᓐ

ᒥᔮᔅᑳᒉᐎᓐ ᒧᑯᓭᐅᒌᔑᑳᐤ ᐁᐅᒄ ᐅᔫ ᐁ ᒌᔑᑳᔨᒡ ᐌᔅᑲᒡ ᐊᓂᑌ ᒎᐗ ᐄᓅᒡ ᑳ ᐸᐦᑳᓂᔥᑖᑣᐤ ᒨᔥ ᒉᒌ ᒋᔅᒋᓯᑣᐤ ᑖᓐ ᑳ ᐃᔅᐸᔨᑣᐤ ᐃᔅᑯᑕᒃ ᑳ ᐐᐦᑯᒋᐦᐋᑲᓅᑣᐤ ᐊᓂᑌ ᐄᒋᑉ ᐊᔅᒌᐦᒡ ᐁ ᒌ ᓇᓀᐦᑳᒋᐦᐋᑲᓅᑣᐤ᙮ ᐅᔫ ᒫᒃ ᐁ ᒌᔑᑳᔨᒡ ᒧᑯᓭᐅᒡ ᐁ ᒧᐙᑣᐤ ᐋᐃᐦᑯᓈᐤ ᐁᑳ ᐅᐦᒋ ᐅᐦᐱᓯᑲᓂᐦᑲᐦᑕᐙᑲᓄᔨᒡ, ᐌᔥ ᐊᓂᔫ ᒣᒀᒡ ᑳ ᐅᔑᒧᑣᐤ ᐊᓂᑕ ᐄᒋᑉ ᐅᐦᒋ ᓇᒧᐃ ᐅᐦᒌ ᐊᔓᐙᐸᒣᐅᒡ ᐱᑕᒫ ᒉ ᒌ ᐅᐦᐱᔨᒡ ᐅᑖᐃᐦᑯᓈᐦᑳᓄᐙᐤ᙮ ᓇᓈᐦᑰ ᐁ ᐃᔑᓈᑯᓂᔨᒀᐤ ᓃᐱᓰᓴ ᒦᒎᒡ ᐁ ᒋᔅᒋᓯᑣᐤ ᑖᓐ ᑳ ᐃᔥᐱᔥ ᒌ ᓇᓀᐦᑳᒋᐦᐋᑲᓅᑣᐤ᙮ ᒫᓂᔥᒑᓂᔥ ᐎᔮᓯᔫ ᒦᒎᒡ ᐁ ᒋᔅᒋᓯᑣᐤ ᒫᓂᔥᒑᓂᔕ ᐁ ᒌ ᓂᐸᐦᐋᑲᓄᔨᒡ ᐊᓂᑌ ᒫᐅᒡ ᓃᔥᑕᒻ ᑳ ᒧᑯᓭᑣᐤ ᐅᔫ ᐁ ᐃᐦᑎᑣᐤ᙮ ᒋᔅᒋᓲᒡ ᑲᔦ ᒫᓂᔥᒑᓂᔔ ᒥᐦᑯᔫ ᐁ ᒌ ᐊᔓᔓᓇᒧᐙᑣᐤ ᐅᒋᔅᑐᐦᑲᓂᐙᐦᒡ᙮ ᐅᔫ ᒫᒃ ᐁ ᒌ ᐃᐦᑑᑕᐦᒀᐤ ᐅᔫ ᒥᐦᑯᔫ ᐁᒄ ᑳ ᒥᔮᔅᑲᒥᔨᒡ ᐅᑎᐯᔨᐦᒋᑫᐤ ᐐᒋᐙᐤ᙮ ᐊᓂᔫᐦ ᐙᔅᑳᐦᐄᑲᓐᐦ ᐁᑳ ᐅᐦᒋ ᓲᐦᑰᐦᒀᐤ, ᐊᓂᒌ ᓃᔥᑕᒨᔖᓂᒡ ᐁ ᓈᐯᓯᔫᑣᐤ ᒌ ᓂᐸᐦᐋᑲᓅᒡ᙮ ᐁᐅᒄ ᒫᒃ ᐆᔫ ᒥᔮᔅᑳᒉᐎᓐ ᐌᐦᒌ ᐃᔑᓂᐦᑳᑕᐦᒀᐤ ᐅᔫ ᐁ ᐃᔑ ᒧᑯᓭᑣᐤ᙮

ᒧᓯᔅ ᒌ ᒋᔅᑌᔨᐦᑖᑯᓲ ᐆ ᓈᐯᐤ ᒋᔐᒪᓂᑑ ᐁ ᒌ ᐎᔮᐸᒥᑯᑦ᙮ ᐎᔭ ᒌ ᒋᔅᑎᓄᐦᑕᐦᐁᐤ ᐃᔅᕋᐁᓪ ᐄᓅᐦ ᐄᒋᑉ ᐊᔅᒌᐦᒡ ᐅᐦᒋ ᐁᒄ ᐊᓂᑌ ᑫᐃᓇᓐ ᑳ ᐃᑐᐦᑕᐦᐋᑦ᙮ ᐁᐅᑰ ᓈᐯᐤ ᑳ ᒦᑯᑦ ᒋᔐᒪᓂᑑ ᐐᔓᐌᐎᓐᐦ ᑲᔦ ᐊᓂᔫᐦ ᒥᑖᐦᑐ ᑲᒉᔅᑴᐎᓐᐦ

ᒪᒋ ᐊᐌᓰᔥ ᐊᓐ ᒪᒋ ᐊᐌᓐ ᒬᐦᒡ ᒪᒋ ᐊᐌᓰᔅ ᑳ ᐃᔑᓈᑯᐦᐋᑲᓅᑦ ᐊᓂᑌ ᒪᓯᓇᐦᐄᑲᓐ ᒋᔅᒉᔨᐦᑖᑯᐦᑖᒉᐎᓐ ᑳ ᐃᔑᓂᐦᑳᑌᒡ ᑳ ᐊᔨᒨᒫᑲᓅᑦ

ᒪᒋᔥᑐᐌᐦᐊᒫᐎᓐ ᒌ ᒪᒋᔥᑐᐌᐦᐊᒫᓅ ᒋᔐᒪᓂᑑ ᐃᔑ ᐁ ᐃᐦᑖᑦ ᒉ ᒌ ᐅᐦᒋ ᐌᐯᔨᐦᑕᒧᐙᑲᓅᑣᐤ ᐊᐌᓂᒌ ᐅᒪᒋᐦᑖᐎᓂᐙᐤᐦ᙮ ᐁᐅᑯᔫ ᑳ ᐃᐦᑎᑣᐤ ᒎᐗ ᐄᓅᒡ ᐁ ᓂᑕᐌᔨᒫᑣᐤ ᒋᔐᒪᓂᑑ ᒉᒌ ᔕᐌᔨᒥᑯᑣᐤ᙮

ᒪᓂᑑᐦᑳᓐ ᓈᐯᐤ ᐅᔑᐦᐁᐤ ᐅᔫ ᐁᒄ ᐁ ᓅᒌᔥᑐᐙᑦ, ᐊᓂᔫ ᒉᒀᔫ ᑳ ᓅᒌᔥᑕᐦᒃ ᐁᐅᑯᔫ ᒪᓂᑑᐦᑳᓐ ᑳ ᐃᔑᓂᐦᑳᑖᑲᓄᔨᒡ᙮

ᒫᓂᔥᒑᓂᔓᐄᓅ ᐊᓐ ᐊᐌᓐ ᑳ ᓇᓈᑲᒋᐦᐋᑦ ᒫᓂᔥᒑᓂᔕ᙮ ᐁᐅᒄ ᐁ ᐃᔑᓂᐦᑳᑖᑲᓅᑦ ᐊᐌᓐ ᑳ ᓇᓈᑲᒋᐦᐄᒫᑦ ᒋᔐᒪᓂᑑ ᐅᑏᓃᒥᔫᐦ, ᐁ ᐊᔕᒫᑦ, ᐁ ᒋᔅᒋᓄᐦᑕᐦᐋᑦ ᑲᔦ ᐁ ᒥᔫ ᑲᓇᐌᔨᒫᑦ᙮

ᓂᔔᓈᒋᒫᑲᓅ ᐁ ᐋᓄᒫᑲᓅᑦ ᐊᐌᓐ ᐁᒄ ᒫᒃ ᐁ ᐃᑎᔓᐙᑖᑲᓅᑦ ᒉ ᒌ ᐗᐌᔑᐦᐋᑲᓅᑦ᙮

ᓃᑳᓐ ᐊᔨᒥᐦᐁᐅᒋᒫᐤ ᒋᐦᒋᐌ ᒌ ᐃᑌᔨᒫᑲᓅᒡ ᐅᒌ ᓃᑳᓐ ᐊᔨᒥᐦᐁᐅᒋᒫᐅᒡ ᐌᔥ ᐎᔭᐙᐤ ᒌ ᓃᑳᓂᔥᑯᐌᐅᒡ ᐊᔨᒥᐦᐁᐅᒋᒫᐤᐦ᙮

ᓅᒌᔥᑐᐙᑦ ᐁ ᓅᑯᐦᑖᑦ ᐊᐌᓐ ᐁ ᒋᔅᑌᔨᒫᑦ ᒋᔐᒪᓂᑑ, ᐁ ᐊᔨᒥᐦᐋᑦ, ᐁ ᒫᒥᐦᒋᒫᑦ ᑲᔦ ᐁ ᓂᑲᒧᔥᑐᐙᑦ᙮

ᓇᓀᐦᑳᑌᐃᐦᑕᒧᐦᐄᐌᐎᓐ ᓇᓈᐦᑰ ᐁ ᐃᑌᔨᐦᑖᑯᐦᒡ ᓇᓈᐦᑰ ᐁ ᐃᔑ ᐃᐦᑕᑯᐦᒡ ᐃᑖᔅᐱᓀᐎᓐ ᐁ ᓂᐸᐦᐄᐌᒪᑲᐦᒡ᙮ ᐁ ᒫᔮᑕᐦᒡ ᒉᒀᓐ ᐁ ᐃᔅᐸᔨᐦᒡ ᒥᔅᑕᐦᐄ ᒉᒀᓐ ᐁ ᓂᐲᒪᑲᐦᒡ ᐁᒄ ᒫᒃ ᐁ ᐱᒥᐸᔨᐦᒡ ᐁ ᑲᐅᐦᑲᑖᓅᐦᒡ᙮

ᓭᐃᑕᓐ ᐁᐅᑯᔫ ᐅᑎᓯᓂᐦᑳᓱᐎᓐ ᒪᒋᒪᓂᑑ᙮

ᓲᒥᓐ ᓈᔥᒡ ᐊᐸᔖᔔ ᐆ ᒉᒀᓐ, ᐊᓂᑌ ᐊᔅᒌᐦᒡ ᐸᒋᔥᑎᓂᑲᓅ ᐁᑯᑌ ᒫᒃ ᐌᐦᒋ ᓂᐦᑖᐅᒋᐦᒡ ᒉᒀᓐ᙮

ᓲᐦᑳᑎᓰᐎᓐ ᒋᔐᒪᓂᑑ ᒦᐌᐤ ᓲᐦᑳᑎᓰᐎᓂᔫ ᓇᓈᐦᑰ ᒫᒥᔅᑳᒡ ᒉᒀᔫ ᒉᒌ ᐃᐦᑑᑕᐦᒃ ᐊᐌᓐ᙮

ᓲᐦᒋᒫᒥᔅᑳᒡ ᐃᐦᑎᑦ, ᒫᒥᔅᑳᒡ ᐃᐦᑑ ᒋᔐᒪᓂᑑ ᐁ ᐃᐦᑖᑦ ᐅᐦᒋᐸᔫ ᓲᐦᑳᑎᓰᐎᓐ ᐁ ᒫᒥᔅᑳᒡ ᐃᔅᐸᔨᐦᒡ ᒉᒀᓐ, ᒬᐦᒡ ᐁ ᐙᐸᐦᑕᐦᒃ ᐊᐌᓐ ᐁᑳ ᒫᒃ ᐐᔅᑳᑦ ᐅᐦᒋ ᐙᐸᐦᑕᐦᒃ᙮

ᓵᐃᔭᓐ ᐁᐅᒄ ᐁ ᐃᔑᓂᐦᑳᑌᒡ ᒉᕉᓴᓚᒻ

ᓵᑐᓰᒡ ᓅᔐᒻ ᐊᓂᔫ ᕓᕆᓰᐦ ᑳ ᐃᑌᔨᐦᑖᑯᓯᔨᑣᐤ ᒌ ᐃᑌᔨᐦᑖᑯᓲᒡ ᐅᒌ ᒥᒄ ᓇᒧᐃ ᐅᐦᒋ ᑖᐺᐦᑕᒧᒡ ᒉ ᐅᐦᐱᔥᑳᓄᔨᒡ ᐁᔅᒄ᙮ ᒉᑳᑦ ᒥᓯᐌ ᐅᒌ ᒌ ᐊᔨᒥᐦᐁᐅᒋᒫᐗᒡ ᑲᔦ ᐎᔭᐙᐤ ᒌ ᓃᑳᓂᔥᑲᒧᒡ ᐁ ᐎᔮᔅᑯᓂᑳᓄᔨᒡ᙮ ᓈᔅᒡ ᑖᐺ ᒌ ᒥᔦᔨᐦᑕᒧᒡ ᐁ ᑳᐦᒌᐌ ᐊᔨᒥᐦᐋᑣᐤ ᐊᓂᔫ ᒌᓴᔅ ᑳ ᓅᔔᔥᑯᐙᔨᑣᐤ ᐁ ᐋᓄᐌᐦᑕᐦᒀᐤ ᑖᓐ ᐁ ᐃᔑ ᒋᔅᑯᑕᒫᒉᔨᑣᐤ᙮

ᓵᕙᐃᕐ ᐊᓯᓃ ᓈᔥᒡ ᐁ ᔔᓕᔮᐅᑦ, ᐱᒋᔥᑲᓂᔔ

ᔔᒥᓐ ᒪᔅᑕᕐᑦ ᑳ ᐃᔑᓂᐦᑳᑖᑲᓅᑦ ᓈᔥᒡ ᐊᐱᔒᔔ ᐆ ᔔᒥᓐ ᐊᓂᑕ ᐌᐦᒋ ᐅᔑᐦᑖᑲᓅᐦᒡ ᒪᔅᑕᕐᑦ ᑳ :ᐃᔑᓂᐦᑳᑌᒡ ᐊᔅᐸᔅᑕᒫᐗᓐ ᑳ ᐅᔖᐙᒡ

ᔕᐌᔨᒣᐤ ᐁ ᐃᐦᑑᑕᐙᑦ ᐊᐌᓐ ᐊᐌᔫ ᒥᓯᐌ ᒉ ᒌ ᐃᔑ ᒥᔪᐸᔨᒡ, ᐅᑕᐦᒑᐦᑰ ᐱᒫᑎᓰᐎᓃᐦᒡ, ᐎᔪᐐᐦᒡ, ᑲᔦ ᐁᑳ ᒉᒌ ᓅᐦᑌᐸᔨᒡ ᒉᒀᔫ ᐁ ᐃᔑ ᓂᑕᐌᔨᐦᑕᒥᔨᒡ ᒉᒌ ᐱᒫᑎᓯᔨᒡ᙮

ᔫᓂᒃ ᐁᑯᓐ ᑳ ᐃᔑᓂᐦᑳᑖᑲᓅᑦ ᓈᐯᐤ ᐁ ᒌ ᒪᓂᔣᑲᓄᔨᒡ ᐅᑌᓗᔮᓐ᙮ ᓇᒧᐃ ᐅᐦᒌ ᐊᔮᐌᐤ ᐊᐙᔕ᙮

ᕓᕆᓰᒡ ᒍᐗᒡ ᐅᒌ ᐅᔥᑌ ᐁ ᒌ ᐃᑌᔨᐦᑕᒥᐦᐄᑯᑣᐤ ᒍᐗ ᐐᔓᐌᐎᓂᔫ ᒉᒌ ᓇᓇᐦᐄᐦᑕᐦᒀᐤ ᑲᔦ ᐎᔭᐙᐤ ᐅᒋᔅᒋᓄᐦᐊᒫᒉᐎᓂᐙᐤᐦ᙮ ᓇᒧᐃ ᐅᐦᒋ ᓇᐦᐁᔨᐦᑕᒧᐌᐅᒡ ᑖᓐ ᐁ ᐃᐦᑎᔨᒡ ᒋᔅᒋᓄᐦᐊᒧᐙᑲᓐᐦ᙮

ᐦᐁᐃᑏᔅ ᐁᑯᑌ ᐅᑌ ᑫᓇᐌᔨᒫᑲᓅᑣᐤ ᑳ ᓂᐱᑣᐤ ᐊᐌᓂᒌ, ᐁᑯᑌ ᐁ ᐃᐦᑕᑯᐦᒡ ᒪᒋᔥᑯᑌᐤ᙮