Caque fiqui: Tesalónica wa pueblo jominue. Lamari quelote jominue. Junni jun pueblobi chumin Jesucrístobe penenaminlari problema tan jominlanue. Uyanlari yalaca padeseisa carinaminlanue Jesucrístobe penenaminla jonun tenchi. Junsi Jesucristo numasi jamochi nechi manpatano jonunca palaque tenca camin jominlanue. Weyanlari Jesucristo moora manpatano jonari ¿ti quichun trabajaquino jun? tito, lan chumin jominlanue. Junni Páblori Corinto pueblobi chuto meraca jominue ya problema talaraeque. Junca meráto, in pila chutenue yalaca mantucarichun. Wata 50 tsansite in pila quinue.