126
Läꜙko̱o̱ˉ maˊ gaꜙtëëˉ Dio läꜙjë̱ë̱ꜙ jneˊ läꜙka̱a̱ˉ jeeˊ maˊ tøøhˊ jneˊ mahꜗ yaꜙnøønˋ kaˉlähꜘ taꜙ Jerusalén,heˉ ja̱ˉ laꜗ jnänˋ läꜙko̱o̱ˉ hi̱ˉ këꜙ baˊ.
2 Haˉ ko̱hꜘ saꜙ jmeeꜙ läꜙngɨɨnˊ, haˉ ko̱hꜘ saꜙ cha̱a̱ˉ jneˊ lluˈ.
Waˊraˉ gaꜙjëëꜗ dsaˉ haˉ läꜙ maˉlaꜗ jnänˋ, jäyhꜙ:
“Haˉ ko̱hꜘ saꜙ laꜗ heˉ jʉhˉga̱a̱ˉ
heˉ gaꜙjmeeꜘ DSAˉJØ̱Ø̱Hˈ jnänˋ kya̱a̱hˊ hi̱ˉ heꜘ.”
3 Läꜙja̱ˉ kaˉlähꜘ jneˊ jähnˊ:
“Haˉ ko̱hꜘ saꜙ laꜗ heˉ jʉhˉga̱a̱ˉ heˉ gaꜙjmeeꜘ Dio jeeˊ jnänˋ.
Peerꜙ cha̱a̱ˉ jneˊ lluꜗ.”
4 Hneˉ DSAˉJØ̱Ø̱Hˈ kya̱a̱nꜙ, jmeeˊ läꜙcha̱a̱ˉ jnäähˈ lluꜗ kaˉlähꜘ,
läꜙko̱o̱ˉ dsaˉlaꜘ kihꜗ hwaꜗ ki̱i̱ꜙ waˊraˉ gaꜙläꜙgyʉhꜘ.
5 Hi̱ˉ gaꜙnääˊ jngëëˉ mɨˈju̱ˉ,
jngëëyˉ kya̱a̱hˊ lliꜘwɨɨꜘ jmahꜗ baˊ.
Pero waˊraˉ gaꜙchooyhꜗ taˊ, cha̱a̱yˉ chaˉmiihˉ lluꜗ.
6 Kɨˉhooyh˜ jeeˊ gaꜙnääyˊ jñeey˜ mɨˈju̱ˉ.
Hiꜙ waˊraˉ gaꜙchooyhꜗ taˊ ja̱ˉ,
yaˉnääyˊ jë̱ë̱ˉ dsëyꜗ ki̱i̱yˈ maꜙ ko̱o̱ˉ cho̱o̱hˊ chahˈ trigo.