93
DSAˉJØ̱Ø̱Hˈ jnänˋ gyaꜗ jmeeꜙ hihꜙ,kye̱yhˊ hmɨɨhˉ heˉ jnä̱ä̱yꜘ la̱a̱yꜗ jø̱ø̱hˈ
hiꜙ chaˉ gaꜙläꜙjëꜙ beꜘ kiyhꜗ.
Gaꜙjmeeyꜘ gaꜙjä̱ꜘ ko̱o̱ˉ hwehˉ jmɨˉgyʉʉꜙ,
mahꜗ saꜙ saˊjehꜗ ji̱hˊko̱hꜘ.
2 Läꜙ maˉla̱a̱hꜗ ja̱ˉbaˊ hneˉ dsaˉtaˊ jø̱ø̱hˈ läꜙji̱i̱hˈ naꜗ.
Läꜙ maˉcha̱a̱ˉ ja̱ˉbaˊ hneˉ läꜙjëꜙ johꜘ jmɨɨˊ chaˉ.
3 Peerꜙ hi̱i̱ˊ gooˉ maˊ chaˉhlu̱hꜙ jmɨˉñeehꜚ.
Hneˉ DSAˉJØ̱Ø̱Hˈ kya̱a̱nꜙ,
haˉ ko̱hꜘ saꜙ sooˉ ñiiꜘ maˊ chaˉhlu̱hꜙ.
4 Pero chaˉgaˊmiihˉ beꜘ chaˉ kihꜗ DSAˉJØ̱Ø̱Hˈ jnänˋ hi̱ˉ gyaꜗ gyʉʉhˈ,
läꜙko̱hꜘ gaˊ beꜘ heˉ chaˉ kihꜗ jmɨɨˉ maˊ hlu̱hꜙ.
5 DSAˉJØ̱Ø̱Hˈ kya̱a̱nꜙ, ji̱hˊko̱hꜘ saꜙ läꜙsɨɨꜗ madaꜚ kyahꜗ.
Taˊ kyahˈ naˉjngɨɨˈ baˊ laˈ gaꜙläꜙjëꜙ johꜘ jmɨɨˊ chaˉ.