54
Hneˉ Dio kya̱a̱nꜙ, hneˉ hi̱ˉ jmeeꜙ hihꜙ, lä̱ä̱ˋ jnäꜘ,kya̱a̱hˊ beꜘ kyahꜗ nooˉ nëˊ kinꜙ.
2 Hneˉ Dio kya̱a̱nꜙ, nʉʉˉ kinꜙ heˉ chu̱u̱nꜘ kya̱a̱hˊ hneˉ,
nʉʉˉ juuˈ heˉ hlë̱ë̱hnˊ hneˉ.
3 Dsaˉ hi̱ˉ jmää˜ hñiiꜘ ka̱a̱hˊ,
hiꜙ dsaˉ hä̱ä̱ˈ hnøøyꜗ jngëëyhꜗ jnäꜘ.
Dsaˉ heꜘ moꜙsoꜙ jmeeyꜙ kwa̱a̱t˜ cha̱a̱ˉ Dio.
4 Pero Dio kwaꜙ beꜘ kinꜙ,
hñiiꜘ bihꜗ hä̱ä̱y˜ jnäꜘ.
5 Hñiiꜘ bihꜗ jmeeyꜗ dsaˉji̱i̱h˜ kaˉlähꜘ heˉ hlɨɨhˈ kihꜗ hi̱ˉ naˉhøøhˊ kinꜙ.
He̱e̱yꜙ goˉte˜, jëëhꜘ hneˉ baˊ hi̱ˉ miˉteꜗ juuꜗ kihꜗ.
6 Läꜙka̱a̱ˉ tuhˉdsënꜙ kwëëhnꜚ hneˉ heˉ tɨh˜ hohꜘ.
Hänˋ kyahˈ hneˉ DSAˉJØ̱Ø̱Hˈ kya̱a̱nꜙ, kihꜗ heˉ lluꜗ hohꜘ.
7 Jëëhꜘ maˉlä̱ä̱hˋ jnäꜘ kihꜗ läꜙjëꜙ heˉ wɨɨꜘ heˉ cha̱a̱nˉ,
hiꜙ maˉjëënꜗ maˉlë̱h˜ maˉllaˉdsëëˋ kihˈ hi̱ˉ naˉhøøhˊ kinꜙ.