23
DSAˉJØ̱Ø̱Hˈ kya̱a̱nꜙ baˊ hi̱ˉ hä̱ä̱ˊ jnäꜘ,niꜙ miihˉ saꜙ chaˉ heˉ jmeeꜙ biiꜗ kiꜙ jnäꜘ
hi̱ˉ la̱a̱ꜗ läꜙko̱hꜘ borrego kya̱a̱yꜗ.
2 Jeeˊ lluˈ nëˊ nuuˉ jmeeyꜙ te̱e̱hnˊ dsënꜙ.
Chaˊhooˊ jmɨɨˉ heˉ hlaˉ tiiˊ baˊ jøøyꜙ kinꜙ.
3 Jmeeyꜙ dsaˉnøhꜗ dsënꜙ.
Jä̱ä̱yꜙ jnäꜘ jwëꜘ lluꜗ kiyhꜗ,
mahꜗ läꜙja̱ˉ läꜙjnäꜘ la̱a̱yꜗ jø̱ø̱yhˈ.
4 Maꜙkeꜙ ngënꜙ jeeˊ hiiꜘ gooˉ ju̱u̱nꜘ, niꜙ miihˉ saꜙ gohnꜙ.
Jëëhꜘ, Dsaˉjø̱ø̱hˈ kya̱a̱nꜙ, hneˉ baˊ chehˈ kya̱a̱hˊ jnäꜘ.
Heˉja̱ˉ cha̱a̱ˉ baˊ jnäꜘ lluꜗ,
jëëhꜘ hneˉ baˊ hä̱ä̱hꜗ jnäꜘ hiꜙ jä̱ä̱hꜙ jnäꜘ kaˉlähꜘ.
5 Maˉjmeehˊ maˉnaˊlluˋ mes˜ kinꜙ
toꜙloꜙnëˊ läꜙjë̱ë̱ꜙ hi̱ˉ naˉhøøhˊ kinꜙ.
Huuhꜙ aceit llenꜙ, ja̱ꜙ kya̱a̱hˊ hihꜙ miˉjä̱ä̱hꜚ jnäꜘ.
6 Heˉ lluꜗ hohꜘ kya̱a̱hˊ jnäꜘ saꜙ lla̱a̱ꜗ ji̱hˊko̱hꜘ.
Hiꜙ läꜙja̱ˉ kaˉlähꜘ heˉ hnaahꜙ jnäꜘ.
Chaˊnehꜙ kihꜗ DSAˉJØ̱Ø̱Hˈ kya̱a̱nꜙ naˊgyanˈ läꜙjëꜙ johꜘ jmɨɨˊ chaˉ.