Babilônia anu hatu iyunibu Jeremiasĩ hatu kene bumanikiaki, na hãtxarã
29
10 Senhor Deusũ hawenabukiri shinãkĩ Jeremias eska yuimakĩ:“Babilônia anu mã hiwei kani 70 ano mã ma hiwekẽ
haska yubakai ẽ matuki tanani
ha mae anu ana hari matu imama Jerusalém anu
ẽ ana matu txĩtũmai kaii.
11 Eanã, ẽ matu unãhairaii.
Haska matu wakatsi ẽ yubakanirã,
haskawẽ taea ana txakabuwẽ matu yubama
dasibi hiwea pe matu inãtã hawẽ matu benimahairawakĩ
ẽ matu hiwemakubaĩshanaii.
Ea ẽ Senhor Deusũ ẽ hãtxa ẽ mestẽwaiĩ.
12 Ha ẽ matu haska waitianã,
tsuara mã ebe hãtxakĩ ea yukaya
matu nĩkakĩ ẽ matu kemashanaii.
13 Tsuãra ea benai mã eki nukushanaii,
matũ huĩti hirabiwẽ ea benai eki nuirã.
14 Txanima ẽ matu merabewaya
mã ana eki nukushanaii.
Tsuã matu ana bika tenemama binumatã
betsahaira uĩmakĩ ẽ matu hiwemashanaii.
Hanira nawa shukuabu tibi anu sa iki
hatũ mae tibi anu mã bunibu
haria matu itxawakĩ keyutã na mae anu
ana ẽ matu txĩtũmashanaii.
Ea Senhor Deusũ ẽ hãtxa ẽ mestẽwaiĩ”, inikiaki.