64
Ẽ shinanã, nai bashnebirã mĩ bututiruki,mĩ kushipawẽ mati matipa saki saki imabirãkĩ inũ
2 txi herewẽ ni mashu menuai keska inũ
ũpash pitxã kukatsa ikai keska wakinã.
Mĩ haska waya miki sinatamisbũ
mĩ kena kushipa tashniai uĩkĩ unaĩ
nawa shukua tibibu mia bebunua bene bene ishãkanikiki.
3 Hamapai atimapa mĩ kaĩmaya
bebũkiri nũ hawa unãkĩ manamakẽ
mĩ butuaya mati matipa mia bebunua saki saki ishanikiki.
4 Nũ miki txiti ikaibu mĩ nuku merabewamis keska
tsua mia keska yushĩ betsa binua hayama
nũ nĩkaisma inũ nũ uĩsmaki.
Mia besti mĩ Deus kayabi kushipatũ dasibibu binuaki.
5 Tsuara benimakĩ haska mĩ betxipaiai keska akaibu
mĩ hawa hatu danãma nĩkatã merabewamiski.
Mĩ haska betxipaiai keska hakimama mia ashunũbũ
mĩ haska hatukiri shinãkubaĩmiski.
Ha dukũ nũ mia txakabuwakĩ taewani bari itxapatiã
ha txakabuwẽ taea ha shinaĩ mĩ nukuki sinatakũkainaii.
6 Dasibi nukuburã, nũ txakabuki,
huni hamapai txakabu iruma keskabu
Deuski nũ kematirubumarã.
Dasibi nũ merabenãmis tibi nukũ aka peparã,
tari txakabu nũ detsis keskabuki.
Dasibi nukubunã, kanei nũ ma di iki keyuabuki,
ni pei shanai niri imis keskairã.
Sinatakĩ nũ yurabu txakabuwamisrã,
ha txakabunã, niwẽ nuku buawamiski, sharabaĩkinã.
7 Tsuã mia shinaĩ mibe hãtxai ana tsua hayabumaki.
Hau mĩ hatu merabewanũ hawẽ bika tenekĩ
mĩ kushipa benakĩ mia yukabumaki.
Nukũ txakabuwẽ taea nuku henei nukuki petxitã
ana nuku merabewai hãtxama mĩ huneaki.
8 Nũ haskabiakenã, Senhor Deusuũ, mĩ nukũ epaki.
Nukurã, nũ mapu keskaki.
Hamẽ miarã, mĩ mapu dami wanika keskaki.
Nuku dasibirã, habia miã mĩ nuku dami waniki.
9 Senhor Deusuũ, ana nukuki sinata txakayamama inũ
hawẽtsaĩs ana nukũ txakabu tibi shinãyamakubaĩwẽ.
Uĩwẽ. Nukuburã, nũ minabuki!
10 Mĩ maewã meribi tibi ana pema ma hanu tsua ana hiweabumaki.
Jerusalém maerã, ma txakabuwakĩ di anibu maniaki.
11 Mia hanushũ kẽwãti hiwe hawẽruahaira anushũ
nukũ shenipabũ mia kẽwãpauniburã,
ma txiwẽ menukĩ keyunibuki.
Dasibi nũ betxipaikubainirã, ma di anibu mishki besti maniaki.
12 Na hati txakabuwẽ taearã, Senhor Deusuũ,
mĩ ana hakiri hawa wati shinãmamẽ?
Ana hakiri hãtxama pes shũ
mĩ ana nuku dakewakĩ heneama ikũkaĩshanai?” aka