Deusũ nuku mekekĩ irumamiskiaki, na nawati hãtxarã
91
Tsuara Deus dasibi kushipa binuatũhatu meke pewashũ utawa pe hiwemisbũ
2 habũ Deus yuikĩ:
“Mianã, mĩ ea irumamiski.
Mĩ ẽ hiwe ewapa kushipaki.
Mĩ ẽ Deus pepaki txiti ikĩ ẽ mia ikũwaiĩ.”
3 Deusũ besti birũ hunea tibi inũ isĩ atimapa tibi
nuku mekekĩ nemashũmiski.
4 Takarã hawẽ bake mekekĩ nushamis keska wakĩ
mĩ nuku mekekĩ nusha nũ dateismaki.
Shinã betsa wama nuku putama
mĩ nuku mekekubaĩmiski,
hawẽ pia nemati keskawenã.
5 Meshu merã kai hawara meseki dateyamakãwẽ.
Bariri matukiri pia bishku bishku abiaibũ dateyamakãwẽ.
6 Meshu merã isĩ atimapa
matuki hikitiruki dateyamakãwẽ.
Bariri isĩ betsa tibi matuki hikitã
yamawatiruki dateyamakãwẽ.
7 Mia dapike mĩ yusmauria
1.000 mawai di itirubuki.
Ha inũ, mĩ yusiuria
10.000 habiaskariai di iriatibubuki.
Hakia miarã, mĩ hawa isĩ betsa teneama pe hiwekũkaĩshanaii.
8 Haska ha huni txakabubũ
haska betxipaimis hatũ kupiti mei ikaibu
txanima ibubis mĩ hatu uĩshanaii.
9 Senhor Deus kushipa dasibi binuatũ
hau mia keshebaunũ inũ
hau mia mekekubainũ
mĩ ma haibuwawẽ taea
10 hawa txakabu mia anu beama inũ
hawa isĩ betsa tibi mĩ hiwe anu hikiama ishanikiki.
11 Deusũ hawẽ nai tsumabu mia anu yunushanikiki,
habuã hanira mĩ kai hau mia mekekubainũbunã.
12 Mashash anu mĩ nia mĩ hawa huti iyamanũ
hawẽ nai tsumabũ mia mekekubaĩshãkanikiki.
13 Inu betsa leão anu inũ, yuinaka mese atimapa anu inũ,
dunu pianãbu anu mĩ nibiakauanai mia habũ meama ishãkanikiki.
14 “Hau huni txakabubũ meyamanũbũ
ha ẽ tsuma pepatũ ea betxipaikĩ ea unaĩwẽ taeshũ
eã ha mekekĩ ẽ pashawashanaii.
15 Hatũ ea kenaya ẽ kemashanaii.
Ea kayabis ẽ habes ishanaii.
Hawara bika teneai binumatã
betxipaihairakĩ duawakĩ yurabu ẽ kẽwãmashanaii.
16 Hau hawẽ taea benimawakũkainũ
hawẽ hiwea txaipa ẽ inãshanaii.
Ẽ mekenã pepawẽ taea hawẽ piskui
pashani habu benimashanikiki.”