Josué inũ ha unanepabu Deusũ yunuti inũ hawẽ nemati Deusũ yusini habubetã yunukĩ yusĩkubaini ma mawabũ Israelĩ enabũ ana hawa shinãma hawẽ yunuti inũ hawẽ nemati ana txibãma haska ibubis betxipaiai keska hiwekĩ habũ Deus ikũwãbuma hatu dapi hiweabu Canaã nawabu keska hiwekubainibukiaki, hatũ yushibu tibi txibãkĩ kẽwãkinã, Senhor Deusũ hãtxa ana nĩkakĩ txibãkatsi ikamarã. Haskawẽ taeshũ hau nawa betsa betsapabũ hatu itxakawanũbũ Deusũ hatu henekubainikiaki. Haska wabiaibũ haska Abraão inũ, Isaque inũ, Jacóbe yubakani Deus hakimama yununika kushipabu Deusũ hatu katushunikiaki, hau ana hawẽ hãtxa nĩkakĩ txibãkubainũbunã.

Na una hiwenibu miyui ikirã, ha ano ikubiraniburã, 1350-1050 Cristo huriama inibukiaki. Hakia shanẽ ibuhaira Saul ma mawaimakẽ haska kenenibukiaki, ha ano 1080-1000 Cristo huriamatianã.