Azi öŋgöŋgöŋi Filemon mi Kolosi sitinöŋ mala uruŋi meleŋda zioz nup memba welenqeqeŋi qetŋi Onesimus galöm köliga töndup unjurata Rom sitinöŋ anök. Miaŋgöreŋ anda Polbuk mutulaŋgöba keuŋi möta uruŋi meleŋda Polbuk Buŋa nup meyohot. Polnöŋ kösö mire tata Onesimus toŋaŋgöra Kimbi ki ohoba böröŋe ala melaiiga Kolosi liliŋgöyök. Kimbi kiaŋgöreŋ uruŋi meleŋnöhi, miaŋgö buzupŋi indela Filemon uruŋi kewö kuŋguyök: “Gi mönö welenqeqegahö pinjitŋi mosöta yambuk urumohok aka köl öröm waŋginöŋga urumeleŋ alagi ewö qöhöröŋge kiniga yaŋgöra söŋgaiba malman.”