Pablo tia cũurica wiipʉ cʉ̃ ca niiri tabere, Filemónꞌre ca pade cotegʉ ca niimiricʉ Onésimo, Pablore bʉa ea, Jesucristo yee quetire cʉ̃ ca wedero cʉ̃ cãa teere tʉo nʉnʉjee, cʉ̃re tii nemo, cʉ̃ ca tiicã niiriquere wede.

To biro cʉ̃ ca bii pacaro, Roma macãrãre ca dotirore biro tiigʉ Pablo pea, cʉ̃ ʉpʉ Filemón pʉtopʉra Onésimore cʉ̃ ca tuenecojope niiupa.

To biri Pablo Filemónꞌre queti owa cojogʉ, “Onésimore jĩcʉ̃ pade coteri majʉre biro cʉ̃re cʉoeto. Cristore ca tʉo nʉnʉjeegʉre birora, jĩcʉ̃ mʉ yee wedegʉ mʉ ca maigʉre biro pee cʉ̃re cʉoya” ĩi owa cojomi.

Biigʉpʉa atere cʉ̃ ca owajata, ca pade coterã yee maquẽre owa cojogʉ méé tiimi, Cristore ca tʉo nʉnʉjeegʉa “O biiri wãme ca biipe nii,” ĩi majiorʉgʉ to biri wãme ĩimi.