Yahaya u ɗanai akaka a wawaꞋa a tatsu a kubana u uma kakau. Akaka a nam pa, e ire, u danai wi ta̱ a kuɗanaka vuka vu na Ka̱shile ka zagbai m muku n ni. Aza o Kutoni o yongo ta̱ o kusoꞋo atakaci n a̱bunda̱i a ayin a nan lo, ɗa Yahaya u yaꞋin ulinga n kadanshi ka nam pa adama a na u dansa ukuna wa̱ a̱Ꞌisa̱ n uma a na i punu.

Yahaya u danai ucigi ili i singai i ɗa a̱ ubuta̱ u Ka̱shile, ta kpamu nannai ucigi wi ta̱ n ugaꞋin a kubana a̱ ubuta̱ wa aza o Kutoni. A ayin a nan lo, uma o yoku a̱ ka̱na̱i kudana Kishi vuma vu mayun ɗa ba, ayinviki a ɗa a na uma a kufuɗa kene n a̱shi e le ba. Yahaya u danai aꞋuwa ɗa ukuna u mayun u ɗaɗa Yesu Kishi vuma ɗa. U danai aza o Kutoni a iwan nlum ma aꞋuwa.

Anana kpamu, nlum mi ta̱ lo n na n tsu yotsongusu uma ili i mayun ba. Aza o Kutoni a iwan nlum n nan lo. U laꞋa ta̱ n kugaꞋan aza o Kutoni a ciga ukuna u mayun, ka̱ta̱ a ciganai.