Kaiwo Anatu Na Paulusi We
Titusi
Kaiwo dedung we Titusi
Titusi mani wiro inontarai Yahudi dine kaha, wape yoaso Yesusi ampa. Paulusi sahui we ne maniwowiri dine, we urufi ruhiai we Kristusi fefe, tuti na fi yu fo mani wemangfata we Paulusi.
Kaiwo anatu nini Paulusi soi we Titusi na nu Kreta foi. Na kaiwo anatu bonini Paulusi deretawang Titusi kariri inontaraio ete ewenunggamiei we jemati fosa, amani kariri todoni etohong toa fo. Na nanai kontai inontarai manea etaunau aunau sarawa feai. Ampefe Paulusi deunauwi we todoni deunau kaiwasa na jemati Kreta foi tuti todoni eminohi weinontarai Kristeni tarai fo.
Kaiwo na suratinei deto kutuai toninai:
1:1-4 Kaiwo reantenang.
1:5-16 Kaiwo kariri mano erufi na jemati fosa.
2:1-15 Aunau we nari kariri ne bengfo.
3:1-11 Kaiwo kariri inontarai Kristeni nesa eminohi toa fo.
3:12-15 Kaiwo kafe.