Kaiwo Mahikai Na
Lukasi
Kaiwo dedung we Kaiwo Mahikai na Lukasi
Kaiwo Mahikai finina mani Seng Allai dohonai we inontarai manei, wonong fino Lukasi, ambori soi kaririai. Lukasi mani manggarawang dine tuti yoaso Yesusi.
Lukasi soi fininai we inontarai fuba manei, wonong fino Teopilusi, ambori deitawanai na mai fio Seng Yesusi medurai tuti niari na nuneia fo, kontai we dohong rang we inontarai siai, Yahudi tuti Yahudi kaha fosa, ambori eroaso Yesusi mani eroasoaia mutu. Kontai de deretawansa ambori era etairiri Seng Allai ne Kaiwo Mahikai kariri Yesusi ne, we inontarai na nunei sentenang.
Kaiwo na bukunei deto kutuai toninai:
1:1-4 Kaiwo kariri bukunei.
1:5–2:52 Kariri Yohanesi tutu Yesusi utaubau unumikamiei fo pariao ufabaifo.
3:1-20 Kariri Yohanesi mano webaptisi kaiwasafo.
3:21–4:13 Yesusi webaptisifo tutu sobu anggari.
4:14–9:50 Yesusi deunau kaiwasa na nu Galilea.
9:51–19:27 Yesusi na rang rabuang na nu Galilea to bendari Yerusalemi.
19:28–22:46 Yesusi na Yerusalemi tuti na katai kefang na nana fo.
22:47–23:56 Etafu Yesusi etohoni sau na aitabafoi.
24:1-53 Yesusi suwi aha, medu we ne inontaraifosa, tuti dau to rorafaisi.